MAHALAGANG ARAL TUNGKOL SA BAUTISMO SA TUBIG

____________________________________________________________________________________________

WARNING: 

Unauthorized reproduction of AMP Tool both the 25 lessons book and its operation's manual without the consent of its rightful owner is strongly prohibited and shall be charged with plagiarism under intellectual property rights law.   

The violation act shall also weakens the 4th pillar of NZAC's foundational framework to be established under its Ways and Means with the aim of raising funds for church lot and building. 

____________________________________________________________________________________________

ARALIN PANG LABING LIMA

© copyright 2021

Layunin ng pag-aaral sa paksang ito: 

1. Ang tunay na kahulugan ng bautismo sa tubig
2. Ano tunay na kahawig ng bautismo sa tubig sa Lumang Tipan
3. Ang bautismo ay mahalagang utos 
4. Sino sino nga ba ang nararapat magpabautismo sa tubig
5. Ibahagi sa iba ang katotohanan ng pag-aaral ng paksang ito.

"Ang sumasampalataya at mabautismuhan ay maliligtas; datapuwa't ang hindi sumasampalataya ay parurusahan." 

Markos 16:16

ABSTRAK

Ang Biblikal na pakahulugan ng ikalawang buhay at pag-asang ipinangako at hatid ng Panginoong Jesucristo bilang tunay na Tagapaligtas ng lahat ng makasalanan, ay magsimula sa isang kamatayan.  Tinatalakay ng naunang aralin na tungkol sa 'pagsisisi', ipinapaliwanag sa atin na ang tunay na kahulugan ng pagsisisi ay ang kamatayan ng lumang pagkataong makasalanan.  Ang magtamo ng panibagong buhay na kaloob ng Dios na tinawag na Kaniyang biyaya sa sangkataohan ay isang proseso.  Hindi ito nagtatapos sa pagsisisi ng mga kasalanan, tanda ng kamatayan ng lumang pagkatao, kundi sinundan din ito ng proseso ng paglilibing.  Ang patay ay dapat ibaon sa ilalim ng lupa o ilibing.  

Ang kahalagahan ng proseso ng panibagong buhay ay binigyang diin ng Panginoon sa pamagitan ng paghahalimbawa sa bunga na kailangan muna ito mamatay upang siya ay magkabunga muli at ng marami pa, sinabi niya,  "Katotohanan, katotohanang sinasabi ko sa inyo, Maliban ang butil ng trigo ay mahulog sa lupa at mamatay, ay natitira siyang magiisa; nguni't kung mamatay, ay nagbubunga ng marami.". Juan 12:24 

Ang tamang panunumbalik sa Dios ay magsisimula sa pagsisisi ng mga kasalanan. upang mamatay ang dating taong isinilang sa mundong ito na makasalanan, at ang bautismo naman sa tubig ay ang sunod na mahalagang hakbang na siyang kasunod na magaganap gaya ng libing na isinasagawa ng lahat ng mga namamatay.  Sa paksang ito ay tatalakaying mabuti at bigyang diin kung ano ang tunay na katuruan at ang pagpapahalaga nito sa aral ng bautismo sa tubig.

ANG TUNAY NA KAHULUGAN NG BAUTISMO SA TUBIG

Ang "bautismo sa tubig" ayon sa turo at mahalagang atas ng Panginoong Jesucristong binilin at iniutos niya sa Kaniyang mga alagad at malinaw na masundan sa tala ng mga aklat ng ebanghelyo gaya ng sulat ni Mateo, Markos, Lukas at ni Juan.  Hindi mababago ang katotohanang ang patay ay nangangailangang ito ay mailibing o maibaon sa lupa kung saan siya babalik gaya ng kaugaliang pinapairal ng mga Hudeo hango pa sa Lumang Tipan na binanggit din ng Panginoon sa Bagong Tipan.  Genesis 23:4, 6; Deuteronomio 23:21;Daniel 12:2; 1 Hari 11:15; Genesis 3:19; Ecclesiastes 12:7; Mga Awit 146:4;  Lukas 9:60.       

Ang patay na katawan ay may dalang maraming sakit kaya't ang paglilibing nito o pagbabaon nito sa ilalim ng lupa ay ang siyang pinakadahilan upang mapangalagaan ang kalusugan ng mga taong buhay.  Ito ay nagiging batas at kaugalian na ng maraming bansa at atas mismo ng Sangay ng Pangkalusugan.  Maging sa bansang Pilipinas, ito ay napasailalim ng "Sanitation Code of the Philippines" - Chapter XXI, Sec. 89, 90, at 91 na patungkol sa "Disposal of Dead Persons".  Ang patay ay dapat iliibing o ibaon sa ilalim ng lupa.  

MAHALAGANG BILIN AT ATAS NG PANGINOON TUNGKOL SA BAUTISMO SA TUBIG

Ganun din naman ang pagpapahalaga ng Panginoon sa bautismo ay may kinalaman din sa kalusugan ng espiritwal na kalagayan ng tao hinantulad sa pisikal na panuntunan nito.  Sa tala ng mga sulat at tinawag na ebanghelyo ni Mateo, Markos, Lukas at Juan, ang bautismo sa tubig alinsunod sa pagsisisi ng mga kasalanan ay naroon sa halimbawang iniwan at maging sa  huling habilin o sa katapusang mensahe ng Panginoong Hesus na ipinangaral sa kanyang mga apostol bago siya umakyat sa langit ang utos na magbautismo.  Lukas 3:15; Juan 3:3-7; Mateo 28:19; Markos 16:15-16

PAGTUPAD NG MGA ALAGAD SA ATAS NG PAGBABAUTISMO SA TUBIG

Ang unang mensahe na ipinangaral ng mga apostol nang araw ng Petecostes ay humantong sa isang utos na ang bawat isa ay dapat mabautismuhan Gawa 2:38.

Ang bautismo ay mahalaga at dapat maisagawa alinsunod sa banal na kasulatan.

Ang Kahalagahan ng Baustismo sa Tubig

Narito ang mga talata na magpapatunay ng kahalagahan nito Marcos 16:15-16; Roma 6:1-6; 1 Pedro 3:18-21. 

Ang Bautismo sa Tubig Ayon sa Tunay Aral at Kahawig 

Ito ay hindi wisik o buhos na ginawa ng aral ng taong binago ang diwa ng kahalagahan ng tunay na kahulugan ng bautismo, kundi lubog alinsunod sa tunay na unawa ng pagpapahalaga ng atas ng Panginoong Jesus. 

Lubog sa Tubig 

• Juan 3:23 - maraming tubig
• Gawa 8:38 - kapwa lumusong sa tubig
• Gawa 8:39 - nagsiahon mula sa tubig
• Roma 6:4 - nangalibing sa pamagitan ng bautismo
• Roma 6:5 - kawangisan ng kaniyang kamatayan

Wisik o Buhos

Hindi nabanggit ang mga pamamaraang ito kahit saan mang talata sa Biblia. Walang pag-aalinlangan na ang unang iglesiya ay nagturo at nagsagawa ng bautismong lubog sa tubig. Ang wika ni Pablo, "Datapuwa't kahima't kami, o isang anghel na mula sa langit, ang mangaral sa inyo ng anomang ebanghelyo na iba sa aming pinangangaral sa inyo, ay matakwil..." Galacia 1:8-9

Baptizo (Griyegong salitang bautismo)

• Sa Greek English ** Liddel, Scott, at Thayer, ang bautismo ay hango sa Griyegong salitang baptizo na nangangahulugang "ilubog".
• Sa Classic Greek-English Dictionary ni Pollet, ang Griyegong salitang baptizo ay nangangahulugang "ilubog sa ilalim".
• Sa Divry's Greek-English Dictionary, ang Griyegong salitang baptizo ay may kahulugang "ilubog".
• Sa Emphatic Diaglott, na naglalaman ng orihinal na Griyegong teksto, ang Griyegong salitang baptizo ay nangangahulugang "lubog" sa bawat pagkakataon

Dagdag na patotoo na ang bautismo ay lubog sa tubig:

• Schaff-Herzog Religious Encyclopedia - Vol. 1, p. 451
• Catholic Biblical Encyclopedia - p. 61, paragraph 2
• Encyclopedic Dictionary of the Bible - p. 202
• World Book Encyclopedia - Vol. 2, p. 70
• Encyclopedia of Lutheran Church - Vol. 1, p. 188
• Pulpit Commentary by Imminent Scholars - Vol. 18, p. 156

Kung ang pagbuhos ng tubig sa ulo ay hindi masusumpungan sa Bibliya, nanganga hulugang ito ay hindi turo ng Diyos kundi tradisyon lamang ng mga tao Marcos 7:13.

Ang Binyag sa mga Sanggol

Ang kaugaliang ito ay hindi masusumpungan sa Biblia at kinontra mismo ito ng mga Bible scholars na sinasabi nilang hindi ito isinasagawa maging ng unang siglo at wala itong matibay na patunay sa kasaysayan.  Ang mga talatang Mga Gawa 16:15; 16:31-33, 1 Corinto 1:16 ay ang ginamit nilang batayan tungkol sa binyag ng mga sanggol, ngunit kong suriing mabuti, hindi ito bumanggit at tumutukoy sa mga bata sa dahilang sila ay wala pang nalalamang tunay na ganap na kaalaman ng mabuti o masama.  Wala pa sila sa tamang gulang upang magpasya at magsisisi ng mga kasalanan.   Ang binyag ng mga sanggol ay wala sa Bibliya.  Ang nakasaad sa Bibliya ay ang mga ito:

• Turo muna bago ang bautismo Mateo 28:19
• Pananampalataya muna bago ang bautismo Mga Gawa 8:36-37
• Pagsisisi muna bago ang bautismo Gawa 2:38

Ang atas na binyag sa mga sanggol ay hindi aral ng Biblia, at ito ay sumira sa tunay na atas ng pagbabautismo na lubog sa tubig matapos ang taong nasa husto ng gulang na tiyak ng may kaalalam kung ano ang mabuti o masama, at pwede ng magsisisi sa kasalanan.  Ang maling aral na ito malinaw na paglalapastangan sa tunay na aral at bilin ng Panginoon na dapat bigyan ng tunay na unawa, at ito ay pinangunahan ng Romano Katoliko  sa ikalawang siglo sinunod din naman ng mga Eastern at Oriental Orthodox, mga grupo ng Protestants, Anglicans, Lutherans, Presbyterians, Congregationalists, Reformed denomination, Methodists, Nazarenes, Moravians at United Protestants.    

Basahin ang mga sumusunod na patotoo na walang binyag ang mga sanggol sa orihinal na iglesiya:

• Chambers' Encyclopedia - Vol. 2, p. 112
• Interpreter's Bible Dictionary - Vol, 1, p. 352
• Encyclopedia Britannica - Vol. 3, p. 138
• A History of the Christian Church ni Walker - p. 87-88
• Time Magazine (May 1968) - p. 58

Ang mga sanggol ay inihahandog sa Panginoon ayon sa tunay na kaugalian hango pa sa Lumang Tipan. Ito ay nasa Bibliya Lucas 18:15-17; Mateo 19:13-15.

___________

PAGSIPI:

• Stanley J. Grenz, Theology for the Community of God (Grand Rapids, MI: Eerdmans, 2000), 528
• John Calvin, Institutes of the Christian Religion Archived 17 February 2007 at the Wayback Machine; Gregg Strawbridge, Ph.D.; Jordan Bajis Archived 19 April 2008 at the Wayback Machine,
• "Catechism of the Catholic Church, How is the Sacrament of Baptism Celebrated?". The Holy See. Retrieved 11 February 2021.
• "Infant Baptism: What the Church Believes | Antiochian Orthodox Christian Archdiocese". ww1.antiochian.org. Retrieved 19 June 2021.
• "Coptic Orthodox Diocese of the Southern United States - Q&A". www.suscopts.org. Retrieved 19 June 2021.
• Goebel, Greg (6 March 2013). "Infant Baptism: Why do Anglicans Baptize Babies?". Anglican Compass. Retrieved 19 June 2021.
• "Doctrine - Frequently Asked Questions - The Lutheran Church—Missouri Synod". www.lcms.org. Retrieved 19 June 2021.
• "Why Does the Orthodox Presbyterian Church Baptize Infants?: The Orthodox Presbyterian Church". opc.org. Retrieved 19 June 2021.
• "About Baptism". United Church of Christ. Retrieved 19 June 2021.
• "Doctrine - Frequently Asked Questions - The Lutheran Church—Missouri Synod". www.lcms.org. Retrieved 19 June 2021.
• Manns, Peter; Meyer, Harding (1984). Luther's Ecumenical Significance: An Interconfessional Consultation. Fortress Press. p. 141. ISBN 978-0-8006-1747-9. When modern Methodists expound infant baptism, they think first of " prevenient grace,” for which infant baptism is said to be an effective, or at least a useful, sign.
• "The Sacrament of Baptism | Moravian Church In America". Retrieved 19 June 2021.
• "Baptism and Communion". United Church of Canada. Retrieved 28 March 2021
• The 1980 Instruction of the Congregation for the Doctrine of the Faith states that "Many inscriptions from as early as the second century give little children the title of 'children of God', a title given only to the baptised, or explicitly mention that they were baptised: cf., for example, Corpus Inscriptionum Graecarum, 9727, 9801, 9817; E. Diehl, Inscriptiones Latinae Christianae Veteres (Berlin 1961), nos. 1523(3), 4429A."

PAGSUSULIT:

(Markahan ang tamang sagot sa pagpipiliang mga parisukat)

 1. Ang tunay na kahulugan at biblikal na patunay ng bautismo ay wisik a buhos ng tubig sa babautismohan 

..         Tama            Mali            

 2. Hindi na mahalaga ang bautismo sa kaligtasan ayon sa atas ng Panginoon sa Markos 16:16

            Tama           Mali  

3.


 Sino-sino ang nararapat tumanggap ng bautismo sa tubig tanda ng pagsisisi sa kasalanan?   

 sanggol        nasa hustong gulang upang magpasya        ‘señor citizen’

4.


 Ang orihinal na gamit sa Griegong salita na “baptidzo” sa bautismo ay nangangahulugan:

              Wisik            Buhos          Lubog  

5.   Mahalaga bang utos ni Cristo ang ituro ang kahalagahan ng pagbabautismo sa tubig?    

        Oo                          Hindi