ANG ARAL NG SANTISIMA TRINIDAD

____________________________________________________________________________________________

WARNING: 

Unauthorized reproduction of AMP Tool both the 25 lessons book and its operation's manual without the consent of its rightful owner is strongly prohibited and shall be charged with plagiarism under intellectual property rights law.   

The violation act shall also weakens the 4th pillar of NZAC's foundational framework to be established under its Ways and Means with the aim of raising funds for church lot and building. 

____________________________________________________________________________________________

ARALIN PANG WALO

© copyright 2021

Layunin ng pag-aaral sa paksang ito ay: 

1.  Malaman kung saan buhat ang aral na Santisima Trnidad

2. Hindi ito kailanman binanggit ng Biblia mula sa simula hanggang sa huling bahagi nito sa lahat ng 40 o higit na mga manunulat ng Biblia, sa haba ng 1,600 na mga taon sa pagbuo at hanggang sa matapos ito.

3.  Hindi buhat sa Dios o ng mga tao ng Dios na ginabayan ng kaniyang Santong Espiritu ang aral na Santisima Trnindad kundi malinaw na imbento ito ng mga taong may impluwensiya sa aral ng paganismo.

4.  Alamin ang pag-usad ng aral ng Santisima Trnidad ayon sa tala ng kasaysayan.

5.  Ibahagi ang katotohanan ng tunay na aral ng Biblia at ilantad ang kasinungalingan ng kaaway ayaw na sumamba sa nag-iisang Dios lamang na nagpakilala sa tunay niyang pangalang nagliligtas sa sangkataohan.

“Ang mga bagay na ito, mga kapatid, ay ginamit kong halimbawa sa aking sarili at kay Apolos para sa inyo, upang sa pamamagitan namin ay matutuhan ninyo ito: Huwag lumampas sa mga bagay na nasusulat. Sa gayon, ang sinuman sa inyo ay hindi maging palalò laban sa iba.” 

1 Corinto 4:6

ABTRAK

Ang aral na Santisima Trinidad ay hindi kailanman nabanggit, naisulat o pinag-uusapan sa Biblia ng lahat ng mga manunulat nito mula pa sa panahon ni Adan, ng mga hari, mga hukom, mga propeta, mga manunula at mangangawit hanggang sa dumating ang panahon ni Cristo at ng kaniyang mga alagad.

Ano mang bagay, kaisipan, paniniwala na may kinalaman sa katotohanan na siyang pinapahalagahan na itinuturing na higit pa sa kayamanan o ng buhay sa anomang henerasyon at kulturang kinabibilangan, ay hindi maikatwa na ito higit na una sa lahat bilang mahalagang batayan at madalas na pinag-usapan o mariing paulit ulit itong binabanggit upang huwag itong mawala, mawaglit sa kaisipan o makalimutan man, Tulad na lang sa aral ng Biblia na higit na paulit ulit na pilit ikintil sa puso at kaisipan ng bayan ng Dios sa bawat kapanahonan na may isang Dios lamang at wala ng iba, walang gaya at tulad niya at kahit kailan wala siyang nakikilang ibang Dios liban sa kaniya at walang ibang tagapagligtas na siya rin. Ano mang batayan na hindi binanggit, naitala, pinag-uusapan ay malinaw na hindi ito pinapahalagaan o di kaya'y ito ay kakaiba o "strange" sa mga tao napapabilang saganang kanilang panahon na kinabibilangan. 

Malinaw nawa na hindi pwedeng maging batayan lalo't ng pananampalataya ng katotohanang ng Banal na Kasulatan ang ano mang aral na nais itayo at idagdag sa kung ano man ang nasusulat. Ito ay mariin ng ipinahiwatig at paalalang binigyang diin ng Dios sa lumang tipan lalo't higit sa panahon ni apostol Pablo.

"Huwag kang magdagdag sa kaniyang mga salita, baka kaniyang sawayin ka, at masunduan kang sinungaling." Kawikaan 30:6

"Ang mga bagay ngang ito, mga kapatid, ay inianyo ko sa halimbawa sa aking sarili at kay Apolos dahil sa inyo; upang sa amin ay mangatuto kayo na huwag magsihigit sa mga bagay na nangasusulat; upang ang sinoman sa inyo ay huwag magpalalo ang isa laban sa iba." 1 Corinto 4:6

"Kayo'y magsipagingat, baka sa inyo'y may bumihag sa pamamagitan ng kaniyang pilosopia at walang kabuluhang pagdaraya, ayon sa sali't saling sabi ng mga tao, ayon sa mga pasimulang aral ng sanglibutan, at di ayon kay Cristo:" Colosas 2:8

BUOD

ANG PINAGMUMULAN NG ARAL NG SANTISIMA TRINIDAD

Dahil malinaw na ang Santisima Trinidad ay hindi kahit kailan naisulat o naitala, binanggit, pinag-uusapan o pauulit ulit na ipinaalala sa bayan ng Dios ng kanilang mga tagapagturo upang ikintil ito sa kanilang mga leeg, kasabihang nagbibigay diin sa pagpapanatili nito sa puso at isipan bilang bahagi ng buhay, ang kakaibang aral na ito na maturing na huwad ay may pinanggagalingan.  Ito ay hindi buhat sa Dios kundi tulad ng pinapaalala na ni apostol Pablo na pilosopia at walang kabuluhang pagdaraya, ayon sa sali't saling sabi ng mga tao, ayon sa pasimulang aral ng sanglibutan, at di ayon kay Cristo.  Ang aral na Santisima Trinidad o "Holy Trinity" ay wala sa Biblia kundi lumabas lamang ng tapos ng mabuo ang mga kasulatan hanggang sa sumasailalim ito sa "canonization".  Ang Santisima Trinidad ay hango sa pilosopia ayon sa sali't saling sabi ng mga tao, mula sa pasimulang aral ng sanlibutan gaya ng aral at paniniwala ng mga pagano, ang pagkakaroon ng maraming mga dios diosan.   

TALA NG KASAYSAYAN SA UNANG SIGLO NG WALA NA ANG MGA APOSTOL   

Ang mga imbentor ng aral na Santisima Trinidad batay sa tala ng kasaysayan na nagpapasimulang magbahagi ng kanilang unawa o pakiwari tungkol sa Dios gamit ang Latin na Biblia bilang pangunahing batayan ng kanilang aral (na napag-alamang ang saling may maraming kamalian na hindi na tinangkilik ng taong 15th century sa paglimbag ng Biblia sa iba pang mga wika na nabanggit sa ikalawang aralin) ay malinaw na pinatotohanan ng mga Encyclopedias at ng mga aklat ng kasaysayan.    

Si Theophilus ng Antioch (c.169 - 182AD), ang sinabing kaunaunahang bumanggit ng salitang "Trias" (Latin) paglalarawan niya sa Dios na umamin din namang siya ay ipinanganak na pagano, inangkin ng mga Romano Katoliko na isa sa kanilang pinaniwalaan at tinawag na kanilang Bishop mula Antioch.  Ang kaniyang imbentong "Trias" patungkol sa Dios ay sinusugan din nila  Quintus Septimius Florens Tertullianus; (c. 155 – c. AD 220) o kilala sa pangalang Tertulian na binahasa at bantog sa pagsusulat ng Latin at si  Atanasius o "Athanasius I of Alexandria/Athanasius the Great" (c. 296–298 – AD 373) na sa kaniyang panahon ang  Roman Emperor na si Flavius Valerius Constantinus o Constantino, sa larangan ng politika ay sumanib at nagpabinyag sa Kristianismo ngunit nanatiling pagano.  Dahil sa kaniyang impluwensiya bilang emperor ng Roma, kaniyang hinikayat ang mga Kristiano at mga pagano ang magkaisa at dito napagtibay niya ang Romano Katolika na taong 325 AD sa konseho ng pagsasama sama ng ng Bishops naisilang na pormal ang aral na Santisima Trinidad o "Holy Trinity" tinawag na Nicean Council.  

Maraming mga theologians din naman ang hindi tumanggap ng kanilang imbentong aral at isa na dito sila Sabelius at Arius.  Maging si Eusebius, ang bishop na nagbabautismo kay Emperor Constantino, kilalang kaisa din ng paniniwala ni Arius, sa kaniyang pangangaral at sulat tungkol sa tala o passage ng kilala na ngayong Mateo 28:19, ay mababasang hindi niya binanggit dito ang "pangalang Ama, Anak at ng Espiritu Santo" kundi sinabi nya ayon sa pahayag ni Cristo na "bautismohan niyo sila na aking pangalan (Hesus)...".  Pinatunayan din ng kasaysayan at ng mga Encyclopedias na ang "Ama, Anak at Espiritu Santo" ay wala sa orihinal na Mateo 28:19 kundi ito ay dagdag na lamang tulad din naman ng 1 Juan 5:7 o kilala sa katawagang Johannine Comma, imbento at isiningit lamang sa Biblia.  

MGA IILANG TALA NG AKLAT NG KASAYSAYAN MULA SA MARAMI PA       

Si Eusebius ay isang Church historian at Bishop ng Caesarea. Sa pahina 152 ng kaniyang aklat  "Demonstratio Evangelica" sinipi niya ang sinaunang aklat ng Mateo na naroon sa library ng Caesarea.  Ayon sa mga saksi ng mula sa hindi pa nabagong aklat ng Mateo o "unaltered book of Matthew" na siyang maaring mga kopya ng orihinal na sulat ni Mateo, mariing pinaparating ni Eusebius sa atin ang aktwal o mismong wika ni Hesus sa kaniyang mga alagad sa orihinal na teksto ng Mateo 28:19: 

"With one word and voice, He said to His disciples: "Go, and make disciples of all nations in My Name, teaching them to observe all things whatsoever I have commanded you." 

Ang pangalang sinabi ng orihinal na Mateo 28:19, malinaw ay ang pangalan ni HESUS! - "Demonstratio Evangelica" ni Eusebius

Hango sa Mateo 28:19, sinabi nito, na ito ang sentrong pinanghahawakang ebidensiya ng tradisyonal na pananaw ng mga Trinitarians. Sa Encyclopedia din na ito dagdag nyang sinabi na: 

"The obvious explanation of the silence of the New Testament on the triune name, and the use of another (JESUS NAME) formula in Acts and Paul, is that this other formula was the earlier, and the triune formula is a later addition." - The Encyclopedia of Religion and Ethics

"The baptismal command in its Matthew 28:19 form can not be the historical origin of Christian baptism. At the very least, it must be assumed that the text has been transmitted in a form expanded by the [Catholic] church." - Edmund Schlink, The Doctrine of Baptism, pahina 28:

"It is often affirmed that the words in the name of the Father, and of the Son, and of the Holy Ghost are not the ipsissima verba [exact words] of Jesus, but...a later liturgical addition." - The Tyndale New Testament Commentaries, I, pahina 275

"The testimony for the wide distribution of the simple baptismal formula [in the Name of Jesus] down into the second century is so overwhelming that even in Matthew 28:19, the Trinitarian formula was later inserted." - Wilhelm Bousset, Kyrios Christianity, pahina 295

Ang Johannine comma, ayon sa paglalarawan sa kaniya, ay sequence ng dagdag na mga salita sa 1 Juan 5:7-8 na lumabas lamang sa mga bagong imprinta ng Greek texts (kilalang gawa ni Erasmus), ang salin ng Latin Vulgate, at sa King James Version. Ang palatandaan nito sa KJV at NIV ay nasulat ito sa italics.

"Erasmus promised that he would insert the Comma Johanneum, as it is called, in future editions if a single Greek manuscript could be found that contained the passage. At length such a copy was found—or made to order." - Bruce Metzger

PAGTOTOK SA TALATA NA SIYANG SENTRONG BATAYAN NG ARAL NA SANTISIMA TRINIDAD  

Ating basahin at araling mabuti ang Mateo 28:19 na siyang sentrong batayan na talata sa Biblia upang itindig at patibayan ang pananaw ng aral na Santisima Trinidad o "Holy Trinity". Ang sabi ng iba, ito raw ang isa mga patunay na may Santisima Trinidad ay nasa sa Biblia.  Kung suriing mabuti, walang sinabi nito ang talata.  May binanggit ba o mababasa bang Santisima Trinidad sa Biblia?  Malinaw na malinaw ang sagot, na WALA!  Ang aral na ito na imbento ng tao ayon sa kanilang pilosopia mula sa sinaunang aral ng sanlibutan at hindi kay Cristo ay tahasang kinontra ang pahayag at salita na ng Dios mula palang sa simula.  Basahin sa Bibliya ang Isaias 43:10-12

ANG ARAL NA SANTISIMA TRINIDAD MULA KAY THEOPHILUS, TERTULIAN AT ATHANATIUS NA SINALO DIN NI BILLY GRAHAM 

Ang Santisima Trinidad, ayon sa pakahulugan ng mga nag-iimbento nito, ay tumutukoy sa tatlong mga persona sa iisang Diyos na binubuo ng (1) Diyos Ama, (2) Diyos Anak, at (3) Diyos Espiritu Santo. Ang mga ito raw ay magkakapantay (co-equal) o pantay silang tatlo sa kapangyarihan, pare-parehong silang tatlo walang hanggan (co-eternal), at sama-sama silang tatlo na umiiral sa lahat ng panahon o bago pa ang panahon (co-existent). Ang (1) Dios Ama ay hindi ang (2) Dios Anak o ang (3) Dios Espiritu Santo. Ang Dios Anak ay hindi ang Dios Ama o Dios Espiritu Santo. Ganun din naman ang Dios Espiritu Santo daw ay hindi rin ang Dios Ama o ang Dios Anak. Ang tatlo parehas na mga Dios batay sa imbentong aral na ito ay magkakaibang persona sa iisang Diyos.  Ayaw nilang tanggapin na tawagin ang tatlong magkaiba at magkahiwalay na tatlong mga persona na ang bawat isa ay Dios ay tatlong mga Dios kundi tinawag nila ang tatlong ito na iisang Dios, sa makatuwid hango ayon sa pananaw tulad ng pamilya, isang salitang pangmaramihan tulad ng godkind o gaya ng mankind.  

Ang Santisima Trinidad ay ang paniniwalang tatlo ang Diyos na binabalot lamang ng salitang iisa. Kapag pinilit mong hingin ang kahulugan sa mga naniniwala nito, ipipilit din nila ang salitang hiwaga (mystery). Ano ang ibig sabihin ng salitang hiwaga? Ito ay nangangahulugang hindi maipaliwanag. Papayag ka ba sa isang aral o doktrinang hindi maipaliwanag?

Ito ay binanggit ni ng Roman Catholic bishop na si Augustine of Hippo o tinawag nilang Saint Augustine (13 November 354 – 28 August 430AD) halaw na rin sa Athanasian Creed na gawa ni Athanasius ng Alexandria (c. 296–298 – 2 May 373AD);  at sinusugan din naman ni Evangelist Billy Graham sa panahon nang ito bilang panakot sa mga ayaw tatanggap sa hidwang imbentong aral ng tao na Santisima Trinidad.  Ganito ang kanilang sinasabi.  

"If you deny the Trinity, you’ll lose your soul. If you try to explain the trinity, you’ll lose your mind." – Augustine 

ANG KALIGTASAN AY MASUMPUNGAN LAMANG SA PANGALAN NI HESUS HINDI SA PANGALAN NG SANTISIMA TRINIIDAD

Huwag nating ipag-bakasakaliang ating kaligtasan. Walang ibang pangalan na siyang nagliligtas. Ang Santisima Trinidad ay hindi kailanman ipinapangaral ng kahit isa sa lahat ng kinasihang ng Espiritu ng Dios upang sumulat ng aklat na bahagi ng Biblia.  Ayon sa tala ng kasaysayan, ang aral na Santisima Trinidad ay pormal na  nabuo lamang noong 325 AD. sa Konseho ng Nicea na pinagtibay ng nakakaraming bishops ng Romano Katoliko bagaman marami din naman sa kanila ang hindi tumanggap sa aral na ito at hindi rin dumalo sa panawagan ng pagtitipon.

Walang ibang pangalan ibinigay at pinakilala ng Dios sa tao na sukat ng kaligtasan liban sa pangalan ni Hesus.  Gawa 4:12

ANG ARAL NG BIBLIA TUNGKOL SA PAGKADIOS

I. Sino ba ang Diyos Ama at sa anong paraan ba ihahayag niya ang kaniyang pangalang nagliligtas sa tao yamang siya nga ay Espiritu at hindi kayang abutin ng tao?   

May isang DIOS lamang na siyang Panginoon, ang AMA na lumalang ng lahat ng bagay. Tinawag siyang  Ama sa paglalang at pinagmumulan ng lahat ng mga bagay.  Malakias 2:10  

Ang plano ng Dios ng kaniyang pagpapahayag ng kaniyang dakilang pagtubos ay malinaw na pinaparating nya sa kaniyang mga lingkod sa pamamagitan ng mga hula.  

a) Ang hula ni Isaias tungkol sa pagparito ng Dios na siyang Ama ay binanggit na ni propeta Isaias at ng matupad ang hulang ito, hayag na ang kaniyang pangalan kung sino sya na dapat kilalanin, ang tagagligtas ng kaniyang bayan, sa pamamagitan ng kapahayagan ayon sa laman.  Isaias 9:6; Mateo 1:21

b) Ang hula ni Mikas tungkol pagparito ng Dios sa kapahayagan sa pamamagitan ng katuparan nito ng tinawag na Anak ng Dios.  Mikas 5:2

c) Ang hula ni Isaias tungkol sa ating kaligtasan sa pamamagitan ng pagpapahayag Dios ng kaniyang sarili - Isaias 35:3-6; Mateo 11:1-6; 1 Timoteo 3:16 

d) Ang malinaw na tugon ni Hesus sa tanong ni Felipe at ng mga alagad tungkol sa kung sino ang Ama.  Juan 14:8-9

HESUS ang malinaw na pangalang ipinakilala ng Dios na kaniyang pangalang magliligtas na tatawaging Dios na makapangyarihan at Walang hanggang Ama kapag nakilala mo na siya.  Siya din ang makapangyarihan sa lahat, ang una at huli sa Pahayag 1:7-8 

II. Sino ba ang Anak ng Diyos at ano ang kaniyang malinaw na tungkuling gagampanan?

Ayon sa panukala ng Dios, ang tao ay dadalhin niya sa kaniyang sarili din sa pamamagitan ng dugo na iaalay ng Anak ng Dios.  Ang katawang lupa na mula sa babae at gawa sa ilalim ng kautusan Galatia 4:4, ay ang kaparaan ng Dios upang ihayag niya ang kaniyang sarili sa sangkataohan, nang siya ay masilayan at lubos na maiintindihan at malalapitan.  Ang Dios ay nahayag sa laman at siya ay hindi na dapat hiwaga sa sinoman. 1 Tim. 3:16, matapos ng ang plano ng Dios mula sa simula tungkol sa gagampanang maging Anak ng Dios o ayon sa laman, ito ay nagkatawang tao. Ang "logos" o ang "expressed thought of God" tungkol sa anak ay nagmaterialize. Juan 1:8   

Sa paganap ni Hesus bilang Cristo o sugo ng Ama/Dios na "hammashiach" sa Hebreong salita, malinaw na kaniyang ginampanan ito ng dumating ang panahong itinakda ng Dios sa kalagayang tao, ayon sa laman,  upang magiging tagapamagitan sa Dios at ng mga tao 1 Timoteo 2:5,  sa ministeryo ng panunumbalik muli ng relasyon ng tao at ng Dios o ministry of reconciliation. 1 Corinto 5:19.   

Ang pagiging anak ay may simula na siyang naroon na sa isipan ng Dios bago pa man lalangin ang langit ang ang lupa. 1 Pedro 5:19-20 Gaya din naman ng plano niyang paghirang ng mga taong kaniyang ililigtas. Efeso 1:11-12   Dumating ang kaniyang katupran sa ganap na panahong itinakda ng Dios na naroon na nasulat sa mga hula.  Si Hesus ay gumanap ayon sa laman sa loob ng 33 at kalahating taon dito sa lupa bilang Cristo, at ang gampanin bilang Anak ay may katapusan. Kapag pasukuin na ng Dios ang lahat ng kaniyang kaaway at yurakan ng kaniyang mga paa, ganun din naman ang anak ay pasusukuin din, upang ang Dios ay magiging sa Dios sa lahat lahat.   1 Corinto 15:28

Sa paganap ni Hesus bilang Cristo ay malinaw na tumukoy ito sa kaniyang pagiging tao, hindi sa pagiging Dios na siyang larawan ng hindi nakikitang Dios Colosas 1:15, ang nag-iisang persona "hypostasis" ng Dios Hebreo 1:3, ang mismong "prosopon" o ang mukha mismo ng Dios. 2 Corinto 4:6

HESUS ang pangalan itatawag sa Cristong mula sa babae na saklaw at sa ilalim ng kautusan.  Mateo 1:21

III. Sino ba ang Espiritu Santo?     

Nang si Hesus ay nasa kalagayan pang tao, o ng siya ay nasa anyo pang laman bilang Cristo ay ipinangako niya na ang banal na Espiritu na darating na susuguin ng Ama wika niya sa kaniyang pangalan na siya rin na darating hindi bilang tao kundi  bilang mang-aaliw.  Juan 14:26  Tinawag niya itong gaya ng tubig na buhay na ipinangako nyang tatanggapin ng lahat ng lalapit at hihingi sa kaniya nito pagdating ng panahong siya'y wala na sa kalagayang tao kundi pagkatapos ng kaniyang pagkabuhay na maguli sa mga patay. Juan 7:37-39  Si Hesus din ang tinawag at kinikilala ni Juan na magbabautismo ng banal na  Espiritu at apoy. Markos 1:8  

a) Ang patotoo ni Apostol Pablo - Efeso 4:9-10; II Corinto 3:14-17; Roma 8:9

b) Ang salita mismo ng ating Panginoong Hesus - Mateo 18:20, 28:18-20

HESUS ang pangalan ng nangakong magbabautismo ng Espiritu Santo at apoy, siyang magkakaloob ng tubig na buhay, ang tunay na mang-aaliw at kapahingahan ng kaluluwa.  Isaias 28:11; Lukas 3:16, Mateo 11:28

IV. Ang Tamang Tala at Unawa ng Mateo 28:19  

a) Sa patotoo mula sa mga saksi sa sulat ni Eusebius hango nya sa orihinal na sulat ni Mateo o "unaltered book of Matthew" na naroon sa Library ng Caesaria, ang wika ni Hesus ay nagsabing "bautismohan nyo sila sa aking pangalan..."

b)  Kahit na gamitin natin ang binagong sipi na siyang mababasa na natin ngayon halos sa lahat na Bible versions, malinaw pa rin ang atas ni Hesus nito na sinabi nyang bautismohan sila sa Pangalan (isahan), hindi sa mga pangalan (maramihan). Ang Ama, Anak ay mga titles ganun din ang Espiritu Santo na katawagan lamang ngunit hindi matatawag na proper names o tugon sa tanong na, ano ang pangalan ng Ama, Anak, at Espiritu Santo?  Isang pangalan ang hinihingi, at Hesus ang pangalang magliligtas at wala ng iba.

b) Dapat intindihin din ng malinaw na ang konteksto ng Mateo 28:19, ang kinausap at inatasan ni Hesus dito ay ang kaniyang mga alagad na binuksan nya na ang kanilang pag-iisip ng mga panahong ito upang maintindihan nilang lubos ang mga kasulatan, ang kaniyang huling habilin sa kanila na dapat nilang sundin.  Lukas 24:45   Nang inutusan ang mga apostol, paano nila tinupad ang atas? Basahin ang Gawa 2:38, 8:12-16, 10:44-48, 19:1-6

c) Ang sabi ng iba, mali daw ang mga apostol upang palabasin na sila ang tama at upang mariing bigyan ng buhay at ipilit ang hidwang aral na malinaw na hindi galing sa Dios kundi mula sa pilosopia ng tao, ang maling aral na Santisima Trinidad.  Sino ba ang dapat mas paniwalaan at sundin, ang mga tao bang nagtuturo ng kakaiba at hidwang aral na hindi kahit kailan alam ng mga alagad ni Cristong ang mga pangalan ay naiukit na sa labindalawang pundasyon ng langit?  Pahayag 21:14

Malinaw na ibinilin ng mga alagad at mga apostol ang katotohanang ito na siyang matibay na batayan,  ang sabi ng mahigpit na bilin at paalala ng Galacia 1:8-9 at I Corinto 4:6 sa mga tunay na mag-aaral ng katotohanan mula sa dalisay na aral ng Biblia, hindi sa imbentong aral ng mga taong mapagpanggap.

Huwag padaya, sikaping manangan sa nasusulat, hindi sa pilosopia ng aral at imbento ng tao halaw sa impluwensya ng paganismo na siyang kasinungalan na nagtangkang sirain ang pangyarihin kung ano ang kalooban ng Dios lalo't higit sa tunay na pagkakilala sa kaniya ng lubos at ganap na unawa ng kaligtasan.

"Huwag nawang mangyari: oo, bagkus pa nga ang Dios ay tapat, datapuwa't ang bawa't tao'y sinungaling; gaya ng nasusulat, Upang ikaw ay ariing ganap sa iyong mga salita, At makapagtagumpay ka kung ikaw ay mahatulan." Roma 3:4

Paala-ala:  Ang Triad o Triangular form na sumisimbolo sa Trinity o Tri-unity ay ginamit din ng Illuminati, Mason at ng mga inkantador, manggagaway o mangkukulam sa kanilang pangagamot, o ng mga mahiko.

Pagsipi:

- Dalzell, A. (2019). Errors in the Vulgate. In R. Sider (Ed.), The New Testament Scholarship of Erasmus: An introduction with Erasmus' Preface and Ancillary Writings (pp. 865-948). Toronto: University of Toronto Press. https://doi.org/10.3138/9781487510206-028

- Justini, S.P.N. (1857). Theophilus of Antioch. "Book II.15". Apologia ad Autolycum. Patrologiae Graecae Cursus Completus (in Greek and Latin)Volume 6.  Library in the Universtiy of Michigan.  Retrieved from https://en.wikipedia.org/wiki/Theophilus_of_Antioch#cite_note-19

- Audi, R. (1999). The Cambridge Dictionary of Philosophy. Cambridge University Press. p. 908.

- Encyclopedia Americana, vol. 2 Danbury, Connecticut: Grolier Incorporated, 1997. ISBN 0-7172-0129-5.

- Barnes "Athanasius and Constantius", 14, 128

- (Hango sa mga talata ng Tagalog na Biblia (Ang Dating Biblia (1905); Magandang Balita Biblia) 

PAGSUSULIT:

 (Markahan ang tamang sagot sa pagpipiliang mga parisukat)

 

 1.  Ang salitang ‘Santisima Trindad’ ay mababasa sa Biblia               

             Oo                 Hindi   

2. 

 Ipinapangaral ba ng lahat ng mga lingkod ng Dios lalo ng mga alagad ni Cristo ang Santisima Trindad?                         Oo                 Hindi

3. 





 Sino ang unang nag-imbento ng aral na Trinidad (Trinity) o Latin na “Trias” upang itukoy sa Dios sa kasaysayan ?               

     Theophilus of Antioch     Flavius Valerius Constantinus      Quintus Septimius Florens Tertullianus         

4. 


 Ang sumulat gamit ang sinaunang liham ni Mateo sa 28:19 nito na sinabi ni Hesus, “… bautismohan nyo sila sa aking pangalan, (hindi sa sa Santisima Trindad na Ama, Anak at Espiritu Santo)            

                  Athanasius               Eusebius             Billy Graham

5. 

 Sa anong pangalan isinasagawa ang bautismo ng mga alagad, at sa unang siglo ayon sa Biblia at patotoo ng mga aklat ng kasaysayan at mga encyclopedia?.     

      sa pangalan ni Pablo     sa pangalan ng Santisima Trinidad na Ama, Anak  at Espiritu Santo               sa pangalan ni Hesus