ANG PAGPAPARITO NG PANGINOONG CRISTO HESUS SA MGA ALAPAAP

____________________________________________________________________________________________

WARNING: 

Unauthorized reproduction of AMP Tool both the 25 lessons book and its operation's manual without the consent of its rightful owner is strongly prohibited and shall be charged with plagiarism under intellectual property rights law.   

The violation act shall also weakens the 4th pillar of NZAC's foundational framework to be established under its Ways and Means with the aim of raising funds for church lot and building. 

____________________________________________________________________________________________

ARALIN PANG DALAWAMPU'T DALAWA

© copyright 2021

Layunin ng pag-aaral sa paksang ito, malaman: 

1. Ang katotohanan ng muling pagpaparito ng Panginoong Hesus
2. Ang salubungan sa alapaap na magaganap 
3. Ang pagdadamit ng katawang maluwalhati at ang buhay na di na makakaranas pa ng kabulukan
4. Sino sino ang makakaranas ng pagsalubong sa Panginoon sa mga alapaap
5. Ibahagi sa iba ang katotohanan ng Biblia tungkol sa tunay na muling pagpaparito ng Panginoon

" Sa araw na iyon ay maririnig ang tinig ng arkanghel at  ang tunog ng trumpeta ng Dios, at ang Panginoon mismo ay bababâ mula sa langit na sumisigaw. At ang mga namatay na sumasampalataya kay Cristo ay bubuhayin muna.  Pagkatapos, tayo namang mga buháy pa at natitira ay titipunin sa alapaap kasama ng mga binuhay upang salubungin ang Panginoon sa himpapawid. Sa gayon, makakapiling natin siya magpakailanman. " 

1 Tesalonica 4:16-17

ABSTRAK

Bagaman walang tiyak na nakakaalam ng eksaktong petsa ng panahon ng kapanganakan ng Mesias na si Cristo Jesus, kapansin pansin na halos buong mundo ay pilit ipagdiriwang ito na kilala sa katawagang Pasko na itinatapat sa araw ng kapanganakan ni Tammuz sa ika 25 ng Disyembre, ang anak ni Semiramis na asawa ni Nimrod.  Sinabi niyang siya daw ay nililiman ng espiritu ng kaniyang asawang si Nimrod na tinawag niyang dios, kaya't si Tammuz ay tinaguriang "anak ng Dios".     Hindi sa panahon ng Disyembre naipanganak ang Cristo sa sabsaban sa patunay mismo na ang dayami na siyang naging kilalang kaniyang sinilangan ay sa panahon ng tag-ani ng trigo ay ito ay nangyayari sa panahon ng tag-init, hindi sa panahon ng taglamig o tag-ulan.     

Ang pagdiriwang ng mga tao bilang pagunita ng kapanganakan ng Tagapagligtas na pinaniwalaan ng buong mundo ay malaking tanda ng paniniwala din ng karamihan sa unang pagparito ng Panginoong Hesus, ng siya'y isilang sa Jerusalem higit na dalawang libong taon ng nakalipas.

Ang hula ng Lumang Tipan mula sa bibig ng mga propeta ng Dios ay hayag na natupad sa ating kapanahonan tungkol sa unang pagparito ng Panginoon at ito'y hindi mapasubalian gaya ng sinabi ng Mikas 5:2 at Mateo 2:6.  

KATOTOHANAN NG MULING PAGPAPARITO NG PANGINOON

Kung natupad na ang mga hula ng unang pagparito ng Panginoon, higit at lalong dapat paniwalaan na mas lalong matutupad ang kanyang ikalawang pagparito na mismong ipinangako ng Panginoon, at higit na mas marami ang mga hula tungkol sa ikalawa kaysa sa una niyang pagparito.

LAYUNIN NG PAGBABALIK NI JESUS

• Kukunin niya ang kanyang mga anak upang makasama magpakailanman  1 Tesalonica 4:16-17.

• Bibigyang gantimpala niya ang kanyang mga anak Apocalipsis 22:12

• Bibigyan niya ang kanyang mga anak ng maluwalhating katawan 1 Corinto 15:50-54.   

• Ibubuhos niya ang kanyang kagalitan sa sanlibutan 2 Pedro 3:10.

ANG KATIYAKAN NG PAGBABALIK NI JESUS 

Siya mismo ang nagsabi Juan 14:3; Hebreo 6:18.

• Ang kaalaman ay lalago at palaging magmamadali ang mga tao Daniel 12:4. 

• Ang kasamaan ay sasagana 2 Timoteo 3:1-5. 

• May mga di-maiiwasang pangyayari sa ating kalikasan Mateo 24:3-14.

ANG TAMANG ORAS NG PAGBABALIK NI JESUS

• Walang nakakaalam Mateo 24:36-52.

• Kagaya ng magnanakaw sa gabi 1 Tesalonica 5:1-2; Apocalipsis 3:3.

MAHALAGANG BILIN NI JESUS TUNGKOL SA KANIYANG MULING PAGPAPARITO

Ano ang utos ng Panginoon sa atin tungkol sa kanyang pagbabalik?

• Hangarin natin ang kaniyang pagbabalik 2 Timoteo 4:8. 

• Maghintay tayo sa pamamagitan ng paglilingkod sa kanya Mateo 24:32-47.

Ang muling pagpaparito ng Panginoong Cristo Hesus sa mga alapaap ay tumutukoy sa kaniyang pagpaparitong aagawin niya ang lahat na sa kaniya’y tunay na sumasampalataya at naglilingkod sa kaniya. Sila ay aagawin sa mga alapaap pagdating ng itinakdang panahon ng Dios sabay ng pakakak ng Dios. Ang unang mga patay na na kay Cristo ay ang unang bubuhayin, at susunod din naman ang mga buhay na tapat na naglilingkod sa Panginoon, agagawin kasama ng mga patay na unang binuhay, at sasalubong sa Panginoon sa mga alapaap. 1 Tesalonica 4:16-17 

Ang kaganapang ito ay iba sa paghahari ni Cristo sa daigdig sa loob ng isang libong taon na magaganap matapos ang unang pagkabuhay na maguli. Apocalipsis 20:1-6 

Ang pagpapanatiling maputi ang damit ay mahalagang bilin ng Panginoon sa minsan ng nilinis at binihisan na ng Dios bagong kasuutang panglangit. Apocalipsis 22:14

 

Pagsipi:

-     (Hango sa mga talata ng Tagalog na Biblia (Ang Dating Biblia (1905); Magandang Balita Biblia) 

-     https://www.gilead.net/study/holidays/christmasorigin2.html

PAGSUSULIT:

(Markahan ang tamang sagot sa pagpipiliang mga parisukat)

 

1.

 Kaninong kaarawan ang ika-25 ng Disyembre, ang hinalintulad  sa unang pagpaparito ng Panginoong Hesus?

   Nimrod         Tammuz         Cristo Hesus

2.

 Bababa ba o aapak ba muli sa lupa ang Panginoong Hesus sa muli niyang pagpaparito upang kunin niya ang kaniyang iglesia?                           

         Oo                 Hindi  

3.

 Saan bang bundok huling nakita ang Panginoong Hesus ng kaniyang mga alagad at doon sinabi ng mga anghel na doon din siya muling makitang bababa?

          Sinai             Saudi Arabia          Olibo          

 4.  Sino-sino ang mapalad na makasama sa pagsalubong  sa Panginoon sa mga alapaap?

         Lahat            ang mga nakay Cristo Hesus   walang nakakaalam

5.

 Mapapalitan ba ng katawang makalangit o katawang di mabubulok ang mga buhay na makakasama sa pagsalubong sa Panginoon sa mga alapaap?? 

            Oo                    Hindi                Walang nakakaalam